أسباب كره الطالب المصري للمدرسة
اقرأها للأخر .. و انشرها
عايز تعرف الطالب المصري بيكره المدرسة ليه ؟
1. جرب تقف في طابور المدرسة ساعه و تبدأ يومك "بالتمارين" اللي ملهاش علاقة "بالرياضة" ، مع أصوات مدرس الألعاب وهو بيقول (واحد إتنين تلاتة أربعة هوب إتنين تلاتة أربعه) طبعا مع تمارين السقفة (ضياع للوقت ).
- 2. جرب تسمع الإذاعة المدرسية اللي بنشكر فيها مدير المدرسة دايما "بس علي إيه" معرفش و طبعا لازم تسمع الجملة المشهورة "إذاعتنا علي الهوا بتقول صباح الخير .. دايما هنكون سوا نسبق جناح الطير" و طبعا أغاني و أخبار و معلومات من كتاب المدرسة اللي مبيتفتحش (بلاده ... من بليد).
جرب تدخل فصل تلاقي كل أربعة في نفس الكرسي و برضو المدرس يقول اللي قاعدين ورا خايبين
(إحباط).
- 3. جرب تستحمل المدرس وهو بيتفلسف عليك في حصة الدين و يعلمك إن "الابتسامة صدقة" ولما تضحك في وشه يقولك : أنت أهبل ( تناقض )
- 4. جرب تنسي قلمك يتعوج عليك المدرس أوى و يقولك : ده القلم بنص جنيه لو مش معاك ممكن أسلفك و بعد شوية يسأل "حد معاه قلم أحمر أصحح بيه الواجب؟" ( إحراج ).
- 5. جرب تنزل "الفسحة " اللي مدتها 10 دقايق متبقاش عارف تعمل إيه في الوقت ده .. تأكل سندوتشاتك .. تشتري من المقصف اللي عليه هجوم .. ولا تدخل الحمام اللي دايما مش نضيف "أصل عمال النظافة مش بيجوا عشان ينضفوا" ولا تشرب من الحنفيات اللي تصميمها نفس تصميم حنفيات البهايم "حفظكم الله" إن وجدت ( إهمال ).
- 6. جرب ترجع من الفسحة علي فصلك و تلاقي المدرس عاملك امتحان مفاجئ مش عشان اختبار قدراتك لا .. هو بس "مكسل يشرح" (مماطلة ).
- 7. جرب تسمع كلمة "يوم الأحد" امتحان و تقول للمدرس إن يوم الأحد عندك امتحانين .. يرد يقولك "عندكم جمعه وسبت ذاكروا فيهم" أصل المذاكرة "عقوبة" مينفعش ترتاح منها حتى يوم أجازتك (ضغط ).
7. جرب فرحتك بحصة الألعاب ولا الموسيقي وتلاقي المدرس بيقولك "انزل لم الزبالة من الحوش" (صدمة ).
- 8. جرب يبقي عندك أعمال سنه و غصب عنك تستحمل "عدم احترام المدرس ليك" ولو خرجت عن شعورك و اشتكيت بتاخد "صفر" كبير فيها .. و المدرس يقول أنا عمري ما شفته ولو أنت اعترضت يقولوا لك : يعني المدرس هيكذب ؟ ( افتراء ).
- 9. جرب تروح بيتك الساعة 3 و أحيانا 4 و مطلوب منك تتعدى و تكتب واجب لأكتر من 5 مواد و كمان تذاكر اللي أخدته في المدرسة و تروح الدرس "الخاص" و أهلك يقولولك لازم تنام بدري .. هل يعقل إن إنسان يصحي الساعة 6 صباحا و يعمل كل ده بتركيز بدون اي راحة .. ( تشتيت ).
- 10. جرب تخلص مدرسة و تدخل كلية و تتخرج و متلاقيش شغل . عارف بعد كل الأساليب الغير أدمية دى هيقولوا عليك ( فاشل ).
للأسف كل حاجة في الكلام دا صح
ودائما العلاج يسلك طريق النجاح إذا تم تحديد المرض بناح ( التشخيص ) .
ومما سبق فقد تم تشخيص بعض الأسباب الواضحة لي من وجهة نظري لمشكلة عزوف الأطلبة عن المدرسة .
نتمنى أن نرى في القريب خطة لمساعدة الطلبة حتى تصبح المدرسة للطالب ملجأ له يحب يحب أن يقضي معظم وقته فيه و لا سيما أن فترة الدوام في المدرسة طويلة جدا تمتد حتى الساعة 2.5 مساء .
الرئيسية 
موضوع: لماذا يعزف التلاميذ و الطلبة عن المدرسة وجو الدراسة 